卢海鹏（鹏哥）因为其独特嘅喜剧风格与机智反应，深受广大观众喜爱，当中「卢海鹏试咪」呢个经典梗，更喺圈中同网上一直流传，令唔少唔知情嘅人都以为鹏哥私底下脾气暴躁、郁啲就讲粗口骂人。鹏哥早前就喺唔同平台开通社交平台帐号，其中一条影片佢就亲自解开「卢海鹏试咪」呢个经典梗嘅由来。
鹏哥指呢个梗嘅起源系早个喺电视台拍外景节目时嘅经历，当时个外景收音师帮佢戴上无线咪后，就走到劲远，用鬼刹咁大嘅声大叫一句：「卢海鹏试咪！」鹏哥听到后，觉得试咪都系试个声啫，于是就细细声讲：「X你老母X」讲完仲要即刻大声问对方得唔得，吓到个收音师即刻话OK，鹏哥仲好得戚咁话如果对方讲唔得嘅会再整蛊对方。
因为咁呢个小插曲就广泛流传开去，鹏哥话后来唔少人都见到佢都会同佢讲「卢海鹏试咪」，鹏哥就搞笑咁话：「咁你即系想我闹你啫」不过佢话冇可能对观众们讲粗口，所以就用押韵嘅语句嘅回应，例如「唱得认真威」、「表演得好威」、「匿埋偷鸡」。而喺片尾鹏哥亦应现场嘅朋友要求，对镜头前嘅观众再次一下无粗口版嘅「卢海鹏开咪」呀。
