TVB全新处境剧《爱．回家之三代同糖》将于8月10日喺翡翠台播出，一众主演车婉婉、吴若希、李茵彤及赵浚承连日忙于为剧集拍外景。车婉婉喺剧中饰演女主角「唐曹嘉冰」以素人身分，参加剧中歌唱比赛「当年好声音」海选，并选唱《会过去的》，而赵浚承就坐评审席饰演评审。
婉婉话内心深处想参加《中声》𠮶团火展现出嚟，今次圆咗参赛梦，婉婉笑赵浚承参赛时，行去评审张櫈都唔够胆，今次赵浚承终于可以扮吓，赵浚承话今次系模仿周国丰老师，又话有畀高分予婉婉姐，婉婉就话：「佢头先想叮咗我！」
TVB歌唱真人骚《中年好声音4》总决赛举行在即，婉婉对选手们信心十足，交出最好嘅表现，大赞佢哋既优秀又叻。虽然婉婉忙于拍剧，不过佢完全冇忽略《中声4》，埋位做主持前，有要求早啲睇资料，事前做足功课，已预备用一日时间去睇选手嘅彩排。
今次剧中唔少演员系唱得之人，呢集有婉婉开金口，吴若希对于剧集主题曲系边个唱就大卖关子！
