今个星期继续由主播王镇泉JeoffreyWong 为观众送上电影消息，全球大收超过14亿票房嘅真人版电影《Barbie芭比》，一直都好大呼声话会推出续集，不过就迟迟都未有最新消息。

有传闻就指电影公司方面，同导演、编剧及制片兼女主角嘅Margot Robbie 同男主角Ryan Gosling仲未倾掂数，主要原因应该系同主创人员嘅薪酬过高有关，以Ryan Gosling为例，佢开出嘅条件系二千万美元，再加额外嘅票房利润分成，相信呢个亦系电影公司一直未肯答应嘅理由。

本周新片速递

《带你去见我妈》：泽凯同静姗交往两年，相当幸福，但系泽凯喺汕头老家嘅妈妈，知道静姗曾经有过一段婚姻之后，觉得受到莫大伤害，情绪化之下执意要阿仔同对方分开，两母子因而大吵一场。虽然最终不欢而散，但泽凯都系顾及阿妈感受，慢慢同静姗疏远，而喺两人分开后，妈妈开始反思自己，仲亲自去挽回呢对被佢拆散嘅情侣。

《美味倒数》：每当夏民品尝母亲亲手煮嘅𩠌，眼前总会浮现一组莫名嘅数字，每食一餐，数字就会随之减一，当倒数至零，就系母亲撒手人寰之时。为咗守护母亲余下岁月，夏民狠心逃避妈妈嘅𩠌。母子人生像受了诅咒，相依为命但系就渐行渐远。女友决意修补破碎一家，到底系好心做坏事，抑或换个角度，不幸亦有出路？

《剧场版 CHIIKAWA 人鱼岛的秘密》：某日，吉伊卡哇与小八喺广场休息时，兔兔突然带住贴喺脸上嘅传单出现，小八发现呢张系「特别岛屿招待」嘅邀请函，上面写有「岛上的简单讨伐就能获得100倍报酬」、「限定岛拉面与限定甜点，甜的辣的全部实质免费」等等嘅诱人字眼。被吸引的吉伊卡哇一行人，连同对传单内容感到怀疑嘅水獭，一起搭船前往岛上。登岛后等待著佢哋嘅，究竟系点样嘅惊喜与冒险呢？

泉叔派福利又返嚟喇！今次答啱问题又被抽中嘅十位观众朋友，就可以各获得电影《剧场版 CHIIKAWA 人鱼岛的秘密》嘅换票证两张。

问题：喺电影《剧场版Chiikawa 人鱼岛的秘密》里面，系边个将特别岛屿邀请函带俾Chiikawa同小八㗎呢？

知道答案嘅朋友记得喺8月6号，晚上十点至十二点期间，私信到「TVB 娱乐新闻台Facebook专页」，注明《电影泉攻略·泉叔派福利》，记得十点前send嚟嘅答案系唔算数㗎！

今个星期香港票房龙虎榜，截至8月5 中午，第1位《蜘蛛侠：英雄重生》第2位《奥德赛》、第3位《电影多啦A梦：新・大雄之海底鬼岩城》。