旅游达人梁芷珮（Christy）凭主持《潮什么》系列旅游节目而成功入屋，经常带同家人环游世界拍节目兼自驾游，新一辑《南美潮什么2》8月17号起晚上10时30分于翡翠台播出。Christy因今年暑假出发欧游，未能回港宣传。
myTV SUPER重温《南美潮什么》
身经百战嘅旅游达人Christy，竟然坐廉航中伏，被收取附加费用，而呢间廉航以短途机票常以超低优惠作招徕。Christy今次前往意大利旅行，坐欧洲最大嘅廉价航空之一嘅航班出发，Christy劝大家记得欧游有得拣就唔好坐呢间廉价航空，否则个人会嬲嬲猪。
Christy仲分享自己中伏经过，指自己一个booking，转机买行李要畀两次钱，点知到转第二班机唔畀佢哋上行李，理由系话行李带closed，要每位畀100欧元（约905港元）先坐到下一班机，结果下一班机delay咗两个钟先起飞。
查实有唔少热爱旅游嘅网民有喺网上分享过往坐该廉航嘅体验，指乘客要记得上网Check In，如果唔系，喺机场Check In要多付单程45欧元（约408港元）左右，而有啲柜台要睇乘客嘅登机证纸本，机场补印登机证一次要约15欧元（约136港元）等额外附加费用，亦有网民试过无奈被取消机位，要重新买下一班航班嘅机位等不快嘅经历。
