平时要参观无线电视城嘅机会唔算多，电视制作亦系相对神秘嘅一个行业，而呢日一班禁毒领袖学院嘅学员，以及多位少年警讯成员40多人就获邀请参观，TVB义工队带领大家深入各个部门﹐了解平时电视机中都见唔到嘅幕后实地情况。
大家先到《东张西望》嘅录影厂，由主持 陈庭欣 亲自接待介绍，仲有机会直接同Toby一齐「主持」，Toby就指呢次同大家见面机会难得，仲落力解答大家嘅问题。之后大家转往配音组，唔止有几位资历丰富嘅配音员现身，「葱头」 丘梓谦 同 林凯恩 同样系首次到访，仲即场试配，同年青朋友一样眼界大开。
中声家族 嘅 沈宗贤 同 阮慧珊 ，呢日就为大家献唱表演，希望大家继续保持正能量，努力生活。
