玄学节目《玄战》日前进行面试，吸引众多民间高手前嚟参加。而喺闭门面试中，参赛者要接受有一定难度嘅课题考验，三位主持 洪永城 陈懿德 同 甄敏芳 就话，有三位女参赛者不谋而合算出一样答案，令佢哋都觉得毛管戙。例如要考参赛者睇一张相睇出相中人嘅死亡原因、年份、位置，三位女仔都全部睇中。
讲到赛制，Tony介绍呢次分黑、白两组，黑色代表资历尚浅嘅师傅，当呢班师傅对战完，就会同代表白色，资深一啲高人级师傅对赛。
每位参赛者都嚟自唔同派别，当中不乏经验老手。其中一位参赛者KK师傅孔麒淦拥有28年接触玄学经验，前身亦系一位飞机师。KK师傅就分享咗一个为客人破劫解决医疗事故涉及人命嘅深刻故事。
佢就话因为工作而唔喺香港，但千咛万嘱客人要避过当晚嘅七点五十分，千祈唔好俾人打错针，而自己当晚一落机就赶到医院帮对方解劫。点知天意难违，客人最终都系被打错针，事件仲闹上新闻。KK师傅自此之后决定，55岁就退休唔再做机师，要去帮人。KK师傅亦算出呢次赛事嘅最后赛果，连第一名嘅特征同姓氏都已经卜出嚟。
至于陈玉娴同李卓妍同属塔罗占卜师，外号「阿云」嘅李卓妍唔只有6年占卜经验，佢另一身份就系TVB艺人。阿云就话自己紧张咗几日，亦有特别练自己唔擅长嘅嘢，因为知道考题有可能系要估、骰仔、六合彩数字等等。陈玉娴就话，自己都唔擅长估呢啲，但会试试挑战自己。丛因琪、郭镇邦就分享，5位参赛者要一齐推算一个时间时，竟然最后5个人都推出同一年份，只系推敲细节时会有少少唔同。
《玄战》8月31号起 翡翠台