高海宁主演嘅剧集《夫妻的博弈》早前喺内地平台率先播出，收获大批观众好评，剧集亦喺香港热播中。作为女主角嘅高Ling收获高人气，而佢亦密密接Job，呢排就忙于同内地女星白鹿喺佛山拍摄新剧。
myTV SUPER重温逆袭老公小三奋战故事
近日高Ling就同白鹿喺街上拍摄，只见身穿蓝色连身裙嘅高Ling挨住车，表情心事重重咁背对白鹿，而白鹿行前对高Ling讲：「他只是在利用你。」并游说高Ling同自己联手，高Ling表情强装镇定，按捺崩溃情绪。虽然呢段路透只有短短几十秒，但唔少人都大赞高Ling演技精湛，连对眼都好识做戏。
高Ling向来宠粉，完成拍摄后，佢向现场粉丝有礼挥手打招呼，守候多时嘅粉丝都话高Ling人靓亲切，所有等待都系值得。
其实高Ling同白鹿唔只被路人「野生捕获」，更吸引好多靠拍摄明星拍剧等，侧拍向粉丝转售嘅「代拍」嚟拍摄剧集路透。有一次有鹰眼视觉嘅白鹿，更发现有「代拍」爬上树偷影剧组，仲热情叫高Ling一齐睇，两位齐齐露出惊讶表情，好奇对方到底系点爬上树。