「高颜值女神」刘颖旋（Tiffany）拥有精致五官、高䠷身材，配合阳光甜美嘅笑容，深受观众喜爱，刘颖旋私底下经常大方展现真素颜，㖊日喺社交平台晒变妆短片，晒健康阳光嘅「小麦肌肤」，与化妆后嘅靓样作对比！
刘颖旋平日热爱运动，又忙于开工拍剧，喺普遍追求白皙肤色嘅娱乐圈当中，刘颖旋却独树一帜，打破「白得发光」嘅美女传统框架，刘颖旋喺社交平台上载素颜变妆嘅影片，见佢开工日晒雨淋，皮肤维持良好状态，网民赞赏系天然美女。
刘颖旋系2016年度香港小姐亚军得主兼「最上镜小姐」，当年喺泳装问答环节中，凭健康小麦肤色与健美体态嘅最强Body震撼全场，获得极高分数。刘颖旋向来身材出众，多年嚟私下作风低调，鲜少公开展示好身材，而刘颖旋大方展示素颜与精致全妆极大反差，可见佢对自己嘅素颜充满自信心。
