陈熹潼Rachel 凭住《夫妻的博弈》中林舒雅一角演技再被观众赞赏，剧中佢演活一个神经质怨妇角色，加上与老公对质时嘅自掴、听到小三名时嘅怨毒眼神，都令观众赞叹不已，更喺网上分享Rachel各种名场面。
其中一场Rachel醉酒后被老公黄智贤赶落车嘅一场戏，唔少网民都以为佢真系饮到半醉先开拍；而另一场佢同黄智贤喺家中对骂嘅戏份，由佢将酒杯掷向黄智贤，再到疯狂自掴，每一帧都令网民赞叹不已。另外剧中Rachel不时会因为听到小三个名而露出嘅怨毒眼神，唔少网民都话畀Rachel呢个眼神吓亲。
演艺学院毕业嘅Rachel，近年于不少热播剧集《逆天奇案》、《法言人》、《逆天奇案2》、《法证先锋6 幸存者的救赎》、《刑侦12》、《新闻女王2》、《正义女神》等演出，如今喺《夫妻的博弈》中嘅亮眼演出，唔少网民都话Rachel值得一个「最佳女配角」奖项。
