今届港姐决赛仲有4日就举行，除咗12位佳丽紧密备战之外，将于当晚参与演出嘅嘉宾 梁汉文 郭柏姸 陈祯怡 同 谢淑怡 亦都一早开始投入彩排，佢哋当晚将为边献唱边演奏乐器，再串连成一个浪费爱情故事呀。
Edmond唱歌之外仲会弹钢琴同吹口琴，佢就话口琴系疫情时自学，而Rosita仲会展现佢扮演「绿茶女」之外嘅温文一面，将为大家表演单簧管，仲因为已经好几年冇拎出嚟用而当众闹出笑话。
不过最大挑战，可能就系被誉为新一代魔音代表嘅佢，将会开口唱歌，所以佢都话超紧张，而Edmond就笑指连自己都非常期待，仲想信一定充满娱乐性咁话呀。呢次佢仲会同有钢琴演奏级资格嘅Zoie四手联弹，仲原来今次系首次体验，而Zoie就话谂起当年港姐决赛嘅回忆呀。至于Celina亦会表演竖琴，佢就指整个故事同画面将会相当唯美喇。
《2026香港小姐竞选》决赛 8月30日晚 20:30 翡翠台 现场直播