张与辰 担任电台节目嘅嘉宾主持，佢特别邀请好提携自己嘅前辈 陈友 作客节目，而友哥知呢日会讨论佢当年拍摄僵尸电影时，特别带同一个佢僵尸电影中角色造型公仔到场。
与辰早前因急性肠胃炎加肾石发作剧痛入院，友哥得知后亲自煲爱心粥送到医院畀与辰，佢解释系因为与辰妈咪担心仔仔独自在港，所以当时就答应张妈妈会照顾与辰。与辰话当日做完手术后好肚饿，所以见到友哥碗粥就好有幸福感，佢仲话碗粥太好味，所以唔敢一次过食晒，系分开三次嚟食。
校长谭咏麟日前举行76岁生日派对，身为兄弟嘅友哥当然系座上客，佢话当晚大家都玩得好开心，阿伦只系邀请咗少数亲友出席。友哥又赞阿伦修身成功，大赞兄弟好勤力日日跑步。
《中声4》三甲顺利诞生，与辰都话系心水之选，大赞七强水准好高，佢直言都睇好尤淑情，可惜发生失误事件，但事后都有安慰对方，鼓励尤淑情今次只是事业开始，只要往后继续努力，一定会有人睇到。