姚焯菲处女个唱周六举行投入彩排 预告三嘉宾助阵备惊喜慰小菲象

姚焯菲 嘅首个个唱今个星期六就举行，Chantel早已开始密密麻麻嘅排练日程，佢早前受访时仲话一早就将歌单安排好，而呢日彩排佢就非常专心，务求希望当晚为小菲象完美演出呀。佢又提到将会有歌舞环节，更有连串串烧歌曲演出，仲有唔同惊喜为大家准备呀。

Chantel又话唔止已经准备过往未有机会献唱嘅歌曲，就连大家听到耳熟能详嘅都一样经过重新编排同制作。之前一直唔肯公开嘉宾谁属嘅佢，呢日就稍为松口，不过就依然未有公开身份，只系得「好有才华」呢个贴士，认真口密呀。

9月初就要开学嘅佢，完骚后就要准备执行李飞返纽约，佢仲话今个暑假非常充实，最深刻就系重返《爱．回家》结局同熊家成员见面道别呀。