沈宗贤 阮慧珊推出合唱歌 肥妈一手撮合大赞效果出色

中声实力唱将沈宗贤同阮慧珊推出首支国语合唱歌，呢日喺新歌发布会上，唔少中声家族嘅朋友都有嚟撑场，场面都几墟冚。

一手撮合两位合作嘅肥妈，当然有嚟撑场啦，佢仲话好开心见到阿Sean同阿珊真系如愿推出合唱歌，肥妈话阿Sean写歌好好听，于是就提议阿Sean写首合唱歌，估唔到阿Sean一日起货，于是肥妈就提议揾阿珊一齐合唱，而出嚟嘅效果亦非常好。

呢首合唱歌系由阿Sean包办曲、词及编曲，阿Sean话佢同自己讲，如果写第一首合唱歌一定要系情歌，因为佢想向偶像张学友致敬，希望可以有第二首《你最珍贵》诞生，肥妈话虽然佢哋唱开Live，对于唔同嘅曲风，佢哋都可以拿捏得好好，事关两位喺中声时，已经身经百战。