剧集《夫妻的博弈》剧情令观众睇得肉紧又搞笑，一班演员齐集商场继续造势，出演渣男嘅张颕康同林漪娸母子档合体，即刻令人联想到佢哋喺剧中衰衰格格嘅画面。
唔讲唔知，原来阿康同漪娸姐事前冇夹过点做，大家喺现场睇住对方嘅表情然后即场发挥，所以佢哋睇到剧集片段时，完全唔记得自己演过啲咁核突嘅表情，漪娸姐仲预告阿康嚟梗仲会出轨。myTV SUPER重温逆袭老公小三奋战故事
马国明喺剧中完美演绎姜幸如专属守护者，令好多女性都好羡慕身边有位咁嘅暖男，嚟紧下星期就结局篇，佢哋嘅感情何去何从就仲未知，但兄弟之间就会出现激烈斗争，马明预告兄弟之争进入白热化阶段，又赞大哥黄智贤好戏，拍争拗戏份时逼到佢自己都入戏。饰演家族话事人嫲嫲嘅Bonnie姐黄文慧赞两个孙仔都好戏，而孙女就懵懵地。
马国明即将喺港姐决赛夜拍住萧正楠同曹永廉加入司仪团，人生首次接任呢个重要岗位，心情超级紧张。马明当初收到通知时完全唔敢相信，佢话担心自己会甩嘴，好彩有两兄弟一齐做，仲有陆浩明同郑衍峰一齐，所以都唔担心。
邓智坚同董敬文呢对孖宝喺办公室嘅所作所为，令同事们好反感，佢哋自称系欺凌联盟。不过今次董敬文衰得嚟又几成功获观众赞佢做得好，董敬文觉得系一班女同事演得好，先可以突出佢嘅衰，所以归功系何沛珈等一班女同事。