今个星期嘅《电影泉攻略》泉叔 王镇泉 又再为大家带来电影圈最新消息。四年前DC Studio嘅CEO james Gunn曾经讲过话，要喺DC宇宙里面推出重启版嘅《蝙蝠侠》电影，当时除咗肯定咗导演同编剧人选之外，其他一切仲未确定，而四年后嘅最近，就传嚟一个令大家失望嘅消息喇。
有报道指而家成个计划嘅筹备工作都需要暂停，原因就系因为Paramount Skydance一日未完成收购华纳兄弟探索集团嘅工作，一日都未可以继续，而且据闻收购过程最快都要下年先至完成，兼且唔保证一定能够收购成功添。呢个时候，我哋不如睇吓今个礼拜新片速递。
另外，最近名导Ridley Scott喺接受泰晤士报访问嘅时候，再次发挥佢有𠮶句讲𠮶句嘅性格，毫不留情咁批评而家荷里活电影嘅发展生态，仲话自己从来都唔会重复题材，咁先可以做一个有影响力嘅人物㖞。
佢话而家啲电影题材，一系就系讲个女仔喺森林俾人杀咗，一系就系讲一个超凡FBI特工点样拯救世界，再唔系就系超级英雄大乱斗，唔知观众们又点睇呢？
本周电影新片速递
《浪花男女》：Wakesurf 冲浪热潮下，教练孙漫（杨偲泳 饰）就因为教学方法而被网络公审，其中一个hater阿川（魏浚笙 饰）对冲浪一窍不通但就盲目跟风，点知发现孙漫原来系被谣传抹黑，仲令佢身败名裂。为咗赎罪，阿川以真实身份揾孙漫学习冲浪，两人逐渐走进对方生命，相知相交。而阿川亦想尽办法希望平反外界对孙漫的误解。
《末世行者》：一场致命瘟疫几乎消灭全人类，文明崩塌，世界步入荒蛮嘅后末日时代。幸存嘅飞行员驾驶员 Hig（雅各艾洛迪 饰）失去挚爱嘅妻子同朋友，带住爱犬孤独求生，同时面对凶残暴戾嘅「收割者」侵袭。一日，Hig嘅小型飞机传来不明音讯，令佢重燃希望，毅然决定揸住飞机追寻线索，向危机四伏嘅未知飞去。旅程中，佢遇上Cima（玛嘉烈戈利 饰），令佢重新感受人类之间嘅连系。
香港票房龙虎榜截至8月26号中午，第1位《蜘蛛侠：英雄重生》、第2位《功夫女足》、第3位《剧场版CHIIKAWA人鱼岛的秘密》
