三太樊亦敏（Amy）早喺5月28号踏入55岁生日，当时佢同剧组忙于为剧集《爱‧回家之开心速递》埋尾忙过不停，当时分别获剧组同剧中嘅两个阿仔陈浚霆（Andrew）、何晋乐（Rock）等同佢庆祝辛日，令三太忙中不愁寂寞。
原来喺正日生日当天，三太搞咗个大型生日派对，获圈中众多好友吴业坤、蒋祖曼、陈炜、黄庭锋、刘佩玥（Moon）、阮浩棕等出席，三太近日将当日热闹嘅场面剪辑咗条短片，以示感谢大家，当中见到有四大视帝陈豪、马国明、陈展鹏、张振朗都有贴心到贺。
四位视帝祝福三太生日快乐，最紧要系青春常驻同越嚟越瘦同美丽，氹得三太笑逐颜开，马明笑言早前先睇返Amy嘅柠檬茶广告。事实上喺片段中，身穿粉红闪烁贴身裙嘅三太，真系瘦咗好多，身形好fit。
三太上载短片留言话自己慢十拍，终于完成剪接3个月前（5月2 8号）各位送俾佢嘅生日祝福，同大家分享喜悦，亦祝福各位每天都健康快乐。三太完成爱回家之后，早前曾预告会有新任务，而且要积极减磅迎接新角色，现在看来已经成功在望。
