陈山聪多伦多迎战开骚做准备 三哥苗侨伟一齐跑步展型男魅力

陈山聪近年密密外出登台开骚揾外快，重拾以前做歌手时嘅感觉过足瘾。8月30号山聪首踏多伦多开骚同观众见面，山聪早已准备咗饮歌报答粉丝，届时《声秀》柯雨霏（Ophelia）会担任嘉宾同台献唱。

日前山聪已经出发到多伦多做好准备，喺开骚前佢都不忘操体能继续跑步，顺道感受吓当地嘅景色。山聪难得去到多伦多，仲预先约好三哥苗侨伟同三嫂戚美珍一齐跑步，沿途享受湖边靓景及吸收阳光气色，山聪仲骚出自己成绩，喺一个钟头左右完成10KM路程。

现年68岁嘅三哥一向有不老男神之称，Fit爆嘅身形散发出浓厚男人味，早前佢更Po出一段打拳嘅影片，显见身上一身结实肌肉，真系指数爆灯。