玄战｜陈展鹏备秘密问题考验玄学高手 私有化单文柔多年力撑创业追梦

全新玄学竞赛节目《玄战》将于8月31号起，逢星期一至五夜晚10点半首播，首集嘉宾邀请陈展鹏。煎Pan话自己大开眼界，仲好欣赏各位参赛者，为咗考验一众玄学高手，煎Pan有备而来。

煎Pan话准备咗一个从未公开过、只有佢同老婆单文柔（Phoebe）知道嘅问题，睇吓各路师傅推唔推算到出嚟，煎Pan仲话之前睇同类型节目就睇得多，有幸上嚟感受一下，感觉都好神奇。

煎Pan太太单文柔婚后专注凑住女儿小猪比，最近更凭个人实力进军商界经营自家品牌，煎Pan都好支持老婆闯一番事业，指太太近年都系凑小朋友为主，加上煎Pan完全私有化咗老婆，虽然二人都好开心，但觉得无论结婚与否，Phoebe都应该有自己圈子同朋友，个个都叫佢陈太，其实佢都有自己名字，希望佢今次创立小小品牌可以重拾自己人生梦想。