黄庭锋呢日着到官仔骨骨拍广告，见佢精神弈奕，状态非常好，庭锋仲意外发现自己左边面影出嚟嘅效果特别好，佢话之前自己一向都冇留意，为咗以最佳状态拍摄，庭锋呢两个星期都努力操练身形，以备不时之需。
庭锋除咗注重身形之外，亦好注重皮肤护理，佢话每日卸妆后都会敷面膜，难怪呢日见佢啲肤质滑到反晒光啦！
百足咁多爪嘅庭锋，除咗拍剧、拍广告之外，佢间中亦会担任Fan Meet嘅主持，佢都话几享受呢类型嘅工作，庭锋话佢第一次做BLACKPINK成员Lisa Fan Meet主持之后，𠮶次带俾佢好深刻嘅经历，所以呢次再主持韩国天团BIGBANG前成员T.O.P嘅粉丝见面会，令佢冇咁紧张，加上T.O.P本人及团队都非常好，大家喺彩排时已经好夹，庭锋话佢仲私下同T.O.P讲，话自己有睇佢演出嘅《鱿鱼游戏》添！
