张智霖 日前踏入55岁，人缘甚广嘅佢最引人注目嘅，莫过于获相识数十载嘅好兄弟 郭富城 送上的亲笔书法作品贺寿喇。近年醉心书法嘅城城，造诣备受肯定，过往佢亲笔题字《仁者》同《仁心》早前，早前就曾于慈善拍卖以高达150万港元由 钟培生 拍得。今次为祝贺好友 Chilam生日，城城再次挥毫写下草书字画相赠，别具心思。
城城呢幅墨宝以龙飞凤舞嘅草书写成，有人认为系Chilam嘅巡回演唱会主题「在」字，亦有人拆解内容系「驰骋」两字。而寿星本人就于社交平台晒出同城城嘅合照仲有墨宝贺礼，又兴奋写道：「多谢郭富城送我的生日礼物，太有意义了！」
除收获好友厚礼，Chilam日前于广州举行嘅《在》演唱会，亦迎接另一份「生日礼物」，19岁囝囝「魔童」（张慕童）以乐队结他手身份惊喜登台伴奏。据指魔童并非靠「星二代」特权登台，事前同样经过演唱会音乐总监考核先加入团队。
演出期间虽然魔童一度遇到结他断线嘅突发情况，不过佢就冷静临危不乱处理，获爸爸Chilam赞赏大有专业风范。魔童唔止遗传父母嘅超高颜值，又展现出对音乐嘅热诚同才华， Chilam更坦言可以同儿子同台系极大感恩同祝福，相信呢段回忆亦系今年最温馨难忘嘅生日记忆。
