《2026香港小姐竞选》决赛会星期日晚举行，12位候选佳丽喺赛前一日以泳装亮相，大骚Fit爆身材，一众佳丽都状态大勇迎战决赛。
除咗泳装环节吸引，呢日佳丽们亦经抽签试戴后冠，6号卢蔚晴成为幸运儿，由即将卸任嘅2025冠军 陈咏诗为佢模拟加冕。而另一个紧张关头就系佳丽们即场投选友谊小姐，结果3号李澄晴先拔头筹，心情兴奋。
6号卢蔚晴则对自己信心十足，表示能率先感受港姐戴上后冠，体验肩负起港姐责任好开心。多年嚟被抽中试戴港姐后冠嘅佳丽，被外界形容为魔咒，卢蔚晴就大方表示唔一定，自己亦唔相信，更称可以打破魔咒，趁机呼吁观众投佢一票，卢蔚晴对比赛亦信心十足，笑言要食饱饭更有力气呈现最佳状态，尤其泳装环节上骚复肌让观众欣赏。
一班佳丽对港姐决赛夜已经准备就绪，虽然8号邓匡闵同11号颜懿菲都带病上阵，幸好两位嘅状态都未受影响，更被网民大赞越战越勇，两人感谢睇好佢哋嘅观众，颜懿菲认为自己心情平和，所以喺台上发挥较自如，相反邓匡闵因为生病所以都有啲心情紧张。
上届冠军陈咏诗同最上镜小姐兼友谊小姐李尹嫣，两人面对即将卸任都有啲唔舍得，但佢哋亦抱住探索嘅心态迎接人生新一页，期待卸任后正式成为艺人身份喺娱乐圈发展，见到一班小师妹都觉得光阴似箭，咁快就一年。
活动司仪 陆浩明 啱啱宣报喺马尔代夫向圈外女友Ayan求婚成功，结束14年爱情长跑，一对准新人都收到大量祝福，原来喺出发求婚前，6号都好担心有阻滞，特别惊求婚钻戒会被未婚妻发现而失去惊喜，所以上网揾咗好多资讯，佢之前话原定求婚时准备咗大量爱的宣言同Ayan讲，但埋门一刻脑海一片空白，呢日佢都有把握机会，透过我哋娱乐新闻台镜头隔空向未婚妻讲情话。
《2026香港小姐竞选决赛》红地毡现场盛况 星期日晚 18:30 ENews社交平台直播
《2026香港小姐竞选决赛》星期日晚 20:00 翡翠台 现场直播