郑秀文、倪晨曦 同一众新势代艺人包括 魏浚笙 、谭文萱 等现身品牌活动，Sammi霸气显时尚魅力。
Sammi早前原定7月举行嘅演唱会延期，日前终于落实明年5月正式登启德开骚，令众多Mi迷好兴奋，Sammi亦同样期待，日子方面佢同团队特意迁就于周末演出，可以令原定嘅歌迷更易就时间。
8月19日系Sammi嘅54岁生日，由于老公许志安开骚在即，Sammi自己亦有工作在身，所以生日正日两公婆选择简单贴地食茶记，仲巧遇尹光，Sammi都有解释返当日其实系安仔好想到呢间指定餐厅饮杯柠茶。
讲到生日礼物，Sammi话叫咗安仔唔使送，因为开心健康比起呢种仪式感大于一切，但安仔都好传统，送咗个红封包俾佢，至于安仔有冇献上Birthday Kiss？Sammi甜笑反问大家问呢啲...
安仔十月开骚，近日正积极备战，Sammi都有透露安仔嘅心情，仲话因为只开得几场，Sammi自爆欠落好多飞债，笑言被追飞追到甩头发，虽然非常头痛，但亦戥安仔开心。
另外，宋宛颖、庄子璇、翁嘉穗三位历屈港姐冠军都有现身，翁嘉穗一身高衩裙露长腿，佢更大赞今届港姐佳丽质素高，考起评判。而Sabrina同Hilary将会为港姐决赛夜担任表演嘉宾，佢哋都期待新一届师妹诞生，仲向佢哋大派选美贴士。
