日本顶流女优 河北彩花 现身香港举行见面会，吸引大批慕名而来嘅粉丝喺旺角街头守候，有幸出席见面会嘅粉丝，当然兴奋莫名，更喺社交平台分享合照，见河北彩花对粉丝非常亲切，毫无架子。
见面会完毕后，河北彩花由唐楼嘅会场步落街头时，眼见两旁企满热情粉丝，河北彩花即展现照牌笑容，又向两旁粉丝挥手，爱零食嘅佢仲手执粉丝所送嘅零食登上路边等候嘅七人车离开。
河北彩花获封为「三上悠亚接班人」，佢曾经公开封号令佢有压力，近年佢明显减产AV作品及裸露演出兼转型，不时喺网上分享旅游及叹美食短片，工作重心亦似转移至台湾，随之而引发合约纠纷及跳糟事件，亦有台湾传媒爆佢系「双面人」。
报道出街后，有曾经跟河北彩花合作过嘅业界人士表示，与对方合作愉快，未听闻过河北彩花有咩抱怨，指对方系敬业乐业嘅女优，不过种种风波同报道，似乎都未有影响河北彩花香港行嘅心情。
