森美 出席电台台庆，眨吓眼佢就效力电台超过三十年，而森美同公司上下老中青同事都打成一片，多年嚟都相处融洽，森美近年伙拍新一代DJ合作，令佢更添活力，睇见公司唔同年龄层嘅人都共同努力，森美话就好似TVB一样，笑言有三代同堂嘅感觉。
森美主持嘅节目《唱钱》踏入尾声，佢话其实即使歌手上嚟挑战节目都会老猫烧须，因为啲歌曲原唱都冇可能唱到一模一样，连小肥咁唱得都要挑战两次就知啦，节目系有佢好玩之处，希望好快会有新一辑同观众见面。
森美19岁大嘅学霸囡囡，9月中就要到英国修读硕士课程一年，森美同老婆都好唔舍得，距离女儿出发仲有两星期，森美要全力安抚老婆，因为阿女系第一次去外地留学，作为父母难免会担心，之后两夫妻可能会多啲前往英国探望，森美笑言视女儿出国为两老人生大事。
