曾经先后出战《声秀》同《魔音女团》选秀节目嘅 颖乔 ，正式出道成为女歌手，呢日佢接受《StarTalk》 许文轩 专访，透露童年时已经对唱歌充满浓厚兴趣。
Ziva早喺3岁时已经好钟意唱歌，其中一个原因系受妈妈钟意音乐影响，由细到大都被音乐沉浸住，仲记得第一首完整唱晒嘅歌系Westlife嘅《My Love》。Ziva中三时已立志想做歌手，仲喺校内参加歌唱比赛获得冠军，亦系佢人生首次面对咁多观众。
到成长后佢到台湾发展前，曾经喺香港做模特儿，半只脚踏足娱乐圈，当时台湾香港两边走，持续两年，喺临签约出道前发生COVID，一切被迫暂停，之后留港发展，但Ziva从未谂过放弃念头，参加大小比赛累积经验，凭住倔强同好性𠮶份坚持，加上自己嘅主动，终于正式出道。
Ziva透露喺一次大型活动上伙拍IdG Bubbles演出，之后Ziva主动向女团主脑阿拔自荐，想一齐跟IdG Bubbles集训，点知愿望成真，到推出第一首新歌都系自己争取。
由拣歌到拍MV及至新歌推出嘅过程，Ziva都好感动，因为歌名取名《我的心稍微大于一整座宇宙》，喺阿拔刻意将Ziva曾经参赛嘅Solo歌名转化为歌词，一听到之后即刻爆喊，一幕幕回忆片段涌现，到拍MV时又要面对喊嘅场景挑战，Ziva花咗两星期酝酿情绪，但到临场一刻只要一谂起阿拔同首歌嘅意义，就咩都唔洗讲即喊，仲一次喊得比一次劲。