许廷铿 同 李凯贤呢日一齐现身超巿活动，并进行星级直播，Alfred一向牙医同娱乐圈双线发展，近日被揭同家姐一齐开诊所执业，组姊弟档拍住上。
Alfred话诊所未正式开业，但因为众多好友同粉丝知道而喺网上广传，幸好一切意见都好正面，Alfred觉得两线嘅发展都系时候自立门户，所以展开不同计划，近日自己都好勤力筹备诊所开张，希望为客户带嚟好嘅体验。
好友 郑欣宜 神稳三年后，有消息指佢会正式复出，仲会出战内地歌唱节目。Alfred话一向觉得Joyce情绪好稳定，笑指都系喺网上见到粉丝野生捕获佢得知，知道佢安好就可以，两人有互相联络，希望同Joyce定期见面，更想Joyce成为佢新店第一位客户。
Brian喺个人频道不时会游走食店介绍食好西，下一站佢计划到马来西亚觅食，仲会揾嚟不同好友做嘉宾。
