星期日晚举行嘅《2026香港小姐竞选》决赛，由新近宣布已定婚嘅 陆浩明 郑衍锋，以及近年不时合体一齐周围开骚嘅 曹永廉 马国明 同 萧正楠 一齐合作主持，三位人夫嘅搞笑组合整晚节目带来唔少笑声，其中戴眼罩出现于泳装环节更系令人忍俊不禁。
而当阿萧落力主持时，原来乖仔 萧哈哈 亦正喺屋企睇住爸爸嘅表现， 黄翠如 就公开囝囝睇电视嘅情况，手长脚长嘅哈哈对爸爸出现喺电视似乎一头问号，而身为爸爸嘅阿萧，亦于社交平台分享呢次主持心情。
佢写道：「当我知道要做港姐司仪嘅时候，心里面第一句就系oh my god，因为曾经做过，所以知道绝对系艰难嘅任务。不过有佢两个喺我身边，又好似多返种动力。披荆斩棘咗两个半小时，节目完结，满满嘅享受，仲要多谢另外两位杰出嘅好拍档，6号和𧗠峰，有咗你哋我哋就冇后顾之忧。」
「最后要恭喜12位香港小姐，因为你哋已经成功挑战就自己，proud of you Girls！任务完成，冇我嘅事啦，可以返屋企凑哈哈❤️❤️❤️」
唔知哈哈见到电视中嘅爸爸又突然出现喺现实中，小小脑袋当中又会系咩谂法呢？