乐坛天后 王菲 向来畀人高冷、不食人间烟火嘅感觉，但日前佢带埋细女 李嫣 现身一个沙滩音乐节，齐齐撑大女 窦靖童 （Leah）嘅演出时，就完全抛开天后包袱，化身「头号粉丝」喺VIP区忘形地为窦靖童应援。
身穿休闲便服、素颜现身嘅王菲，与友人及小女儿李嫣齐齐现身沙滩音乐节VIP专区，全身心投修音乐节嘅王菲，喺VIP专区内玩得相当开心，除咗随住音乐摇摆跟唱外，佢更与友人如少女般喺沙滩又唱又跳，玩得不亦乐乎。
不过当现场导播将大萤幕镜头切到观众席时，王菲发现自己被拍后，就害羞到遮面躲避，咁真实又可爱嘅反应，引起现场歌迷尖叫与笑声。
