上星期刚开完音乐会嘅 卫兰Janice ，宣传将于11月喺红馆举行一连三场《卫兰OUT OF FRAME世界巡回演唱会》香港站，呢次演唱会除咗系见证Janice出道20周年外，亦系佢首度以「独立音乐人」姿态登上红馆嘅个唱。
呢次巡回演唱会已经去过14座城市，而嚟到香港站，Janice将升级舞台制作，并重新编排演出，Janice 表示一直希望巡演嘅最后一站可以喺自己屋企— 香港 举行，佢指早年自己离开咗唱片公司，跳出自己嘅舒适圈成为独立歌手，所以喺巡演上佢都宣扬呢个讯息，话畀大家知可以跳出舒适圈去做自己钟意做嘅事。
回想自己第一次喺红馆开骚嘅经历，Janice表示：「当时我出道两年之后便可以在红馆开演唱会，感觉真的很疯狂，不过已经忘记很多细节，我只是记得自己好紧张。真的好期待今次香港个唱，因为我好爱香港的观众，好期待唱歌给大家听。而我希望我的演唱会可以多些跳舞部份，跳舞真的好好玩，我很想唱多些快歌，把个唱设计成一个Party，因为我演唱会实在太多慢歌了。」
Janice指巡唱已经去过14个城市，每一站都畀佢唔同印象，不过其中有一站嘅经历就相当爆笑：「有一站有很多飞蚁，我很害怕唱歌时它们会飞入我的嘴内，所以我把咪高峰好贴近的对著嘴，以防飞蚁飞入口内，我还要用对手 Fing 开它们，我听到台下观众在笑，想起都觉得好Funny。」
自言系典型「I人」（内向者）嘅Janice，性格内敛且不善言辞，但钟意透过音乐将内心情感传递。喺过去嘅巡回演出期间，Janice坦诚分享自己克服舞台焦虑嘅心路历程，佢用真实嘅经历勉励乐迷：「无论好与不好，都是宝贵经验。Just move on，可以继续唱歌给大家听已经很满足。」Janice期待透过呢场音乐之旅，鼓励大家勇敢走出自己嘅舒适圈，跳出固有框架，拥抱未知嘅自己，大胆追寻属于自己嘅梦想。
