《中年好声音4》日前圆满落幕，呢日七强歌手同评审 肥妈 海儿 等现身见面会，加上师兄 黄剑文 同 刘洋 与一众歌迷见面，而大家亦先后现场为大家献唱，非常热闹。
已正式加入乐坛一段时间嘅Kimman同刘洋，见到新一届成员都非常开心，仲话佢哋嘅新作已经准备当中喇。刘洋第二首作品即将推出，系粤语歌曲之外更系一首跳舞作品，佢仲搞笑话一面对镜头就唔敢讲广东话，非常担心会讲错变粗口呀。而Kimman同样正筹备新歌，仲话节奏会比旧作更强劲。
完成近十个月比赛嘅《中声4》朋友，终于可以松一口气，而 郑家声 就话有计划返加拿大探亲休息，仲话有可能办一个小型见面会㖞，仲提到将同战友推出合唱歌呀。至于 尹景顺 就指会返大马见乡亲喇。
吴亦伟 亦话自己要苦练广东话，将比赛期间嘅各首广东作品字正腔圆咁重新为大家演绎，仲预告同刘洋会合作一个非常搞笑嘅计划㖞。至于几位为比赛一直Keep Fit嘅女士，就话要解放好好尽情叹美食喇。
