MC提速完成目标盼尽快生儿育女 吴雨霏任寄养妈妈庆幸子女助照顾

MC张天赋 呢日出席一个健康品牌活动，早前曾提过希望40岁成家立室嘅佢，活动后就竟然话有少少改观，希望尽早有小朋友陪伴住佢哋成长，仲话要尽早完成事业上嘅目标，希望35岁前财富自由，到时就可以有更多时间投资喺家庭喇。

不过近年成日话养小朋友负担唔细，加上支援同教育就更加唔系易事，MC就指成长过程父母鼓励系非常重要嘅一点，而自己父母就一直非常支持自己同给予极大自由度，令自己可以非常享受成长过程。

而早前肩负起寄养家庭重任嘅 吴雨霏 呢日亦有出现，佢就提到冇谂过屋企小朋友非常帮手照顾，令佢喜出望外，仲话已经开始担心，完成照顾任务后离别时嘅不舍咁话。