郭柏妍（Rosita）自2020年港姐季军入行以嚟，由生涩演技到近年演技寻求破格嘅蜕变过程，一改以往嘅乖乖女框架，喺《夫妻的博弈》饰演「最强绿茶」潘雪文，仲喺《2026香港小姐竞选》决赛亲自吹奏表演，展现多才多艺一面！
myTV SUPER《夫妻的博弈》最强绿茶丧子
郭柏妍擅长演奏单簧管，早前喺港姐决赛亲自吹奏表演，忆起15年前第一次随Marching Band参与TVB演出嘅童年往事，更笑称当时自己「有个大肚腩」，与一众团员喺TVB洗手间，兴奋换衫同拍照留念。郭柏妍话当时一齐表演的确冇咁紧张，有时候Miss咗一、两个都唔系好觉，最希望就系一粒音都唔好Miss，同埋高音唔好走音。
郭柏妍喺港姐决赛未开show前，练习𠮶阵先记得有10年冇真正表现过，睇落佢为咗今次表演落咗唔少苦功，而郭柏妍喺演技方面同样好落力，郭柏妍㖊晚播出嘅轻松爱情小品剧《夫妻的博弈》，演绎丧子「无声泣诉」演技大获好评，网民大赞佢摆脱花瓶角色。
㖊晚讲到郭柏妍饰演嘅雪文将自身不幸归咎于幸如，二人拉扯期间，幸如唔小心推跌雪文，雪文入院后向老公哭诉流产，令幸如非常内疚，原来系雪文「自导自演」，其实雪文揾幸如晦气前一晚，被亲母淑冰苛索金钱，雪文急步避开贪钱母亲期间，不慎叉错脚跌倒导致小产。
郭柏妍演技大获好评，将「动」与「静」嘅伤心神态演绎得淋漓尽致，郭柏妍先喺医院得知胎死腹中后，即激动质问医生，当医生要佢做流产手术时，更崩溃得不停大嗌「我唔做呀」，另一场戏讲郭柏妍返屋企独自喺睡房望住BB用品，一脸哀愁；当她拿起BB鞋，终于忍唔住喊出嚟，纯粹靠眼神、表情与肢体动作去表达悲伤之情，唔少网民大赞佢演技有进步，成功摆脱花瓶形象。
郭柏妍演技备受认同，获赞完美演绎「绿茶」自私又可悲嘅性格，亦有网民钟意睇佢与野蛮奶奶嘅「婆媳大战」，郭柏妍刚小产出院，要求林漪娸出外买补品，然后更改门锁密码，让尿急嘅「奶奶」被锁在门外，心「急」如焚揾开锁师傅上门，郭柏妍见两人入屋即扮友善，林漪娸嬲爆冲入厕所，令夹在中间嘅张颕康亦激到失控，喝令两女唔好再嘈，林漪娸被激到无言。
林漪娸饰演「野蛮奶奶」贪小便宜、说话刻薄兼使人唔使本嘅性格，如今竟被「绿茶」郭柏妍糟质，可谓一物治一物，郭柏妍呢次将「绿茶」角色演到入血，成功反客为主「玩谢」奶奶，让唔少观众睇得痛快。
《夫妻的博弈》踏入结局周，高海宁复仇大计逐渐实现。预知梦中，高海宁与张颕康结婚后惨遭癌病折磨，熟睡时更被对方偷偷转走金钱，呢次不幸已成功转嫁到郭柏妍身上。
张颕康因炒㶶股票而走投无路，趁郭柏妍熟睡时想偷钱，点知老婆系用指纹解锁，张颕康捉住对方玉手想解锁，点知郭柏妍「反瞓」，左手一挥便掴咗老公一巴，最终张颕康仍成功过数，正当佢继续check对方电话有冇其他银行户口，郭柏妍已惊醒更俨如女鬼般披头散发靠近问老公喺度做乜嘢，想知郭柏妍系咪被转走「身家」？贯彻「贱男本色」嘅张颕康仲有咩贱招，就要睇逢周一至周五晚8点30分于翡翠台播映嘅《夫妻的博弈》啦！
《夫妻的博弈》逢周一至周五晚8点30分翡翠台播映