9月1日就系充满朝气嘅莘莘学子开学日子，一众星二代同样迎接新学年嘅开始。陈家乐同连诗雅早前忙于为囡囡星星考学校而忙到冇停手，家乐当日仲笑言好似佢自己考学校一样。
眨吓眼，两岁大嘅星星就要开展校园生活，始终系第一次返学，小朋友当然要啲时间适应，星星都唔例外，全程箍实爸爸，怪不得家乐喺社交平台写上「唔知星星咁唔舍得爸爸仲有几多年呢」，又话一个同自己冇咗关系20年嘅日子（开学日），由今日（9月1日）开始，未来20年又再同佢扯上关系啦！
同样为仔女开学而做足准备嘅周吉佩，佢开心同仔女影合照，而汤怡同老公麦秋成都记录囡囡麦QQ开学情况，汤怡话做一对从不缺席嘅父母，囡囡眨眼已经K3，而老师向佢表示今年功课同上年差唔多，麦QQ而家会自动自觉去做，令佢好放心，爸爸就继续努力同QQ温习，两夫妻分工合作。
