郑丹瑞系圈中好老公同好爸爸嘅典范，佢嘅大女郑瑶喺社交平台分享一辑家庭东京游嘅旅行相，写上爸爸妈妈结婚45周年快乐，相中旦哥同太太配合囡囡要求，摆出恩爱同沉思甫士影相，表达婚姻中嘅高低起跌。
郑丹瑞与太太相识于求学时期，彼此为对方嘅初恋情人，二人于1981年拉埋天窗，今年系旦哥同太太「蓝宝石婚」，一家人趁住咁值得庆祝嘅日子，暂时放下工作，好好享受家庭乐。
大女郑瑶已结婚兼为人母，对父母嘅婚姻特别有感觉，佢感激父母携手走过无数风雨，令佢同妹妹郑珉见证咗咩系爱、忠诚、坚韧，以及如何风雨同舟、携手共度，郑瑶自觉同妺妹太幸运，能够成为佢哋嘅女儿。
