陈展鹏为TVB玄学竞赛节目《玄战》做首集嘉宾，嚟到集合玄学高手嘅场地，展鹏把握机会问问题，喺节目花絮中，一众黑先知都算出展鹏一家有望年尾传二胎喜讯，黑先知们更指系添丁。
展鹏第一个反应就系话唔可以俾阿女「小猪比」陈诺瑶（Quinta）知道，因为佢想要妹妹。事后展鹏表示是否有喜讯或BB性别与否都唔重要，凡事最重要系积极向前行，任何事都会开心。
展鹏喺节目中，向一众黑先知出题，要各位算出佢喺2021年经历过咩事，过程中亦令佢首度公开一段内心秘密往事，原来佢喺2019至2020年期间，签咗一份广告合约，广告商先支付三分二酬金。由于疫情关系未能履行工作，而展鹏将千万酬金买咗第一层楼畀妈咪。
虽然合约未有写明要展鹏退款，不过佢同广告商洽谈，分五年归还千万酬金，结果佢成功完成承诺，展鹏承认当初有压力，但佢选择以豁达心态去面对，一切事便变得顺利解决。
