江美仪率四位男神朱敏瀚、张振朗、吴业坤同GM曾展望主持嘅新一辑《试真D唷》，将会喺9月6号晚首播。宣传活动上，美仪姐同男神们分享返拍摄嘅趣事，佢哋今次喺台北同台南等城市捐窿捐罅探店，食尽平、贵美食，由几蚊食到几万蚊都有，当中铜板美食系令美仪姐印象最深刻。
美仪姐喺第一辑节目时已经大赞朱仔又有风度又乖仔，今辑加入咗振朗，美仪姐都对佢赞不绝口，相反坤哥同GM就继续激到美仪姐紥紥跳，GM话坤哥不停挑战美仪姐，而振朗亦唔系想像中咁乖，同属曳猪一名。
喺活动上，美仪姐唔单只大爆GM个人习惯立立乱，仲话几个男仔晚晚收工都唔见咗人，第二日开工无精神，原来系因为坤哥习惯喺唔同地方都要试吓饮当地调酒，所以就拉埋班拍档去品酒。
