佘诗曼 近年演完Man姐再演言官，唔止角色吸引，更深得广告商爱戴。而冻龄有术一直容光焕发嘅佢，近日又有全新一辑广告登场，阿佘以一身高贵银色晚装上阵，无论肌肤同身材都状态极佳。
拍摄广告当日，阿佘身穿一袭剪裁非常贴身露背晚装，全程以唔同pose呈现弗爆体态；散发出既自信又从容嘅魅力，拍摄时小休更叹大鸡髀补充体力。 近日阿佘参演嘅经典剧集《使徒行者》于 TVB Plus 重播，再次重温当年「钉姐」演出，仲将剧中搞笑感性一面同新鲜出炉广告中嘅自信高贵对比，更有留言大赞：「阿佘个样真系冇变！」、「钉姐变Man姐，气场劲左，个样冇唔同，奉劝啲女星个样唔好搞咁多！」、「完全睇唔出相隔12年！！」
角色万变但容貌身形不变，阿佘本人就笑言每个时期嘅自己都有唔同：「呢一刻我最钟意系言官，因为配合角色，大家都会见到好淡妆，又冇华丽服饰配合，状态好唔好一眼就见到！记得当时日以继夜拍摄时，撞正流感高峰期，好多剧组手足都『中招』，不过我冇受感染。」
由「钉姐」古灵精怪到气场全开，阿佘觉得自己已大为成长：「我更识得享受演每个角色嘅过程。我觉得唔需要太过分紧张岁数，因为每个人都有独一无二嘅吸引地方，学识欣赏自己每个时期就好！我都会做运动，亦会少食多餐，同埋食补健品保持最佳状态，都会食宵夜，所以保持心情轻松开心系好重要。」
《使徒行者》星期一至五晚 22:30 TVB Plus