陈滢 早前趁空档去咗荷兰阿姆斯特丹旅行，喺呢两星期嘅旅程Jeanie放低工作压力，过返一啲慢活嘅节奏。见佢喺社交平台狂晒靓相，隔住个Mon都感受到佢呢个假期有几Chill呀﹗
Jeannie除咗去咗当地嘅运河游船打卡之外，又入乡随俗喺当地租单车代步，穿梭于市中心嘅大街小巷，佢透露今次嘅踩单车体验，令佢非常难忘，大赞自己level up，仲话自己非常融入当地嘅低碳生活文化。
Jeannie仲指好享受逛周日市集、欣赏日落，当然唔少得品尝当地传统嘅荷兰松饼以及义式冰淇淋啦，佢仲话「gelato all day everyday 」睇嚟Jeannie绝对系雪糕控无误。虽然日日食雪糕，但系有网民就发现到Jeanie瘦咗唔少，食雪糕都可以瘦身，大家系咪好羡慕呢？
