冻龄女神 陈自瑶 啱啱过咗45岁生日，日前佢上载咗一辑极具异国风情嘅靓相，一圆佢嘅西域公主梦。而日前佢又同好友 胡曦文 以及一众好友一齐庆祝生日，派对主题更系充满怀旧风，Yoyo亦喺社交平台分享咗多张靓相，著上黑白波点短裙嘅Yoyo戴上头箍，少女味十足，喺鲜花同粉红气球衬托下，更系洋溢住幸福嘅氛围。
Yoyo表示：「谢谢大家送我的祝福，全部收到了﹗感恩自己真的拥有很多，被满满的爱包围著，太幸福﹗好开心，今年可以和我嘅好朋友胡曦文一齐庆祝生日﹗也祝大家身体健康，开心幸福﹗Love You all。」
喺照片中仲发现早前被影到一齐睇演唱会嘅罗天宇同绯闻女友陈懿德，亦都一齐现身生日派对，两人更毫不避忌一齐企埋合照，兼著上同色tone嘅服装，真系衬到绝呀﹗睇嚟两位嘅绯闻真系越嚟越浮面。除咗佢哋两位之外，同场参与派对嘅仲有乐易玲、麦长青、占士丁丁等，真系好热闹啊﹗
