车婉婉 郭羡妮 江美仪 魔音女团 甄泽权 黄德斌 黄又南 等现身一个颁奖礼获得多个奖项。美仪姐主持节目《试真D唷》会喺9月6号首播，呢日佢荣获电视女艺人奖，得奖后美仪姐都有啲成功之道分享，认为艺人要与时并进求变，知道巿场需要，否则很快会被淘汰。
另一位成功女性车婉婉就代表《中年好声音》节目组领取最耀眼综艺节目奖，佢同时兼获最佳女主持，令婉婉又感性爆水煲。而佢有份主演嘅处景剧《三代同糖》出街后，好多拍摄场景引发讨论，婉婉解释其实剧组包括艺人都系试验中，一直去改进，唔得就重拍，效率好快，团队都想件事好，同时明白到上一个长达9年嘅处景剧已经同观众建立咗深厚感情，例如听到丹爷把声就系食饭，同肌肉记忆一样，自己会尽力做好角色，将大家嘅意见化为动力。
魔音女团出道短短几个月成功收获人气，仲获得首个奖项「新晋女子组合奖」，乔美莎更兼获新人奖，令佢哋喜出望外，庄子璇更以一口流利韩文说出感言。
早前魔音女团推出新歌《Turn My Magic On》MV，喺网上大受欢迎，MYNT忆起拍摄时都有好多趣事，宋宛颖期望下次女团可以有更多形象同观众见面，MV中只得两套衫未够喉。而倪嘉雯则笑指被监制下咗禁笑令，要求佢以好Cool嘅表情放电，自己嘅强系笑住好Cute放电，呢个举动简直极高难度。
Sonija 因为早前有份主演嘅电影受欢迎，带挈佢获得人生首个电影奖项，现时女儿开始长大，令Sonija可以腾出更多空间工作，遇到心宜角色或剧本都会接，期待嚟紧多啲同观众见面。
