新剧《死有对证》即将喺9月7号晚首播，陈晓华、马贯东、阮浩棕、吴若希等一众演员宣传记招。
剧集涉及唔少专业知识，所以剧组亦向法医马宣立做资料搜集。而Hera呢次喺剧中系一位患有强逼症嘅法医，同韦家雄以及阿东拍住上查案，仲要记唔少专业名词。护理系出身嘅Hera就话记名词记得好开心，不过佢嘅记词方式系读出声，强迫咗大家听佢读台词。
至于阿东自翊系长跑手，因为喺剧中有唔少跑嚟跑去嘅戏份，但佢最佩服都系扛住器材嘅摄影师。
Jinny同阿Nic呢次一个要体验瞓解剖床做死尸，一个要体验被埋到得返个头。Jinny就话，拍摄被解剖戏份时正值农歴七月，不过冇著衫瞓落解剖床时真系冻到打冷震，而且Hera投入角色所以喊得好凄凉，令Jinny都觉得：「你唔好喊喇，我唔系有心死。」亦喺拍完呢场戏后有人生感悟。
阿Nic就话，自己拍被人埋嘅戏份时拍得好辛苦，虽然系有纸皮围住再加泥，自己只需要扮晕就得，但其实重量唔轻，要一直顶住都好难。
黄嘉雯 表示，佢喺所演嘅第一个单元「双𩠌饭碎尸案」嘅角色，除咗有完整故事线，仲会有动作戏份，真系入行以嚟最大挑战性。至于王菲为咗演好瑜伽老师，当时都去密密上堂，仲练到可以做一字马。
《死有对证》9月7号起 星期一至五晚 20:30 翡翠台