由 赖慰玲 主持嘅新节目《健康诚诺书》9月5号起播出，呢日嘉宾 黄翠如 孙慧雪 张慧仪 同 囝囝Hanson一齐出席记者会，呢日几位人母一齐集合，仲话节目中分享唔少做妈咪嘅故事同辛酸，阿雪仲话拍摄时大家倾到停唔到，连制作组都担心录影时冇话题，但系就被几位一口回绝，非常搞笑。
翠如仲指本来冇谂住公开分享嘅话题，最后都不经意一齐分享，仲话自己同阿雪都因为子宫肌瘤问题，所以怀孕时一样都遇过惊险事。而佢哋拍摄节目后，就认为对未来规划非常重要喇。
至于一手凑大有先天病养子嘅慧仪，经历就更加唔平凡，佢就话而家回想当年Hanson要接受手术，至今仍有创伤反遗症，呢日讲起都非常感触呀。
而日前萧哈哈于电视中见到主持港姐嘅爸爸 萧正楠 同几位「郁郁」，令佢非常好奇呀。
《健康诚诺书》星期六晚 20:00 翡翠台