江美仪、吴业坤、朱敏瀚、曾展望同张振朗主持嘅综艺节目《试真D唷》将于9月6号晚上8点喺翡翠台首播，今辑佢哋将会去台湾试伏。拍摄期间撞啱朱仔开剧，佢一早预咗未能参与拍摄，点知剧组同制作组绞尽脑汁去互相配合，朱仔喺出发前一晚先知道可以启程去台湾拍摄两日一夜。
自从《试真D》嘅拍摄相处，朱仔同美仪姐等经已建立咗一份互相信任同珍贵友谊，今次能够顺利归队，朱仔兴奋莫名，仲喺街头同大家自拍留念，点知突然出现一个变态佬强吻佢，而呢位朱仔口中形容嘅变态佬，就系好兄弟张振朗，相信佢哋几个人之间嘅化学作用，一定令《试真D唷》更上一层楼！
