TVB处境剧《爱•回家之开心速递》剧终情未散！9月3号就系吕慧仪嘅44岁生日，阿蟹喺社交平台分享多张照片，当中不乏早前分别同「熊家」、「接龙集团」成员嘅聚会合照！
阿蟹喺配文表示，今年生日唔再庆祝，呼吁粉丝们将祝福化为善心，可以捐款或做善事帮助有需要嘅人，亦希望大家凡事以善念包容，令生活加多啲正能量。阿蟹更感恩大家将佢放喺心上：「❤️农历生日有熊家人陪我吃了寿桃包，蟹爸蟹妈蟹籽陪我吃了小蛋糕，还有我的好战友的惊喜蛋糕，和蟹粉们提早很多的庆祝，这真心实意的情谊，已是我最珍贵的礼物。」
唔少《开心速递》嘅剧迷纷纷留言向阿蟹送祝福，亦好开心见到一众演员友谊不变。而喺阿蟹分享嘅合照可见，佢喺「熊家」成员聚会中同滕丽名鬼马同「阿爸」刘丹玩自拍，丹爷更带埋太太李馥莹出席聚会。鲜有公开露面嘅李馥莹保养得宜，骤眼望落只有六十出头，打扮年轻且不失优雅，同丹爷表现恩爱。
