吴业坤同太太爱子结婚4年，过往二人世界生活，亦爱锡家中一位得意毛孩「白汤」，近日两位就带住白汤Staycation兼庆祝生日！
从坤哥同爱子分享嘅相片可见，佢哋喺酒店房放置颜色缤纷嘅气球，中间一个大大嘅「4」就系代表白汤嘅4岁生日，作为小寿星嘅白汤亦戴上写有「Happy Birthday」嘅粉白格仔口水巾，非常得意。坤哥同爱子又为白汤准备「生日饭」同生日蛋糕，可见佢哋对白汤嘅宠爱同重视。
爱子亦喺社交平台撰文表示，狗仔嘅4岁系人嘅32岁，白汤已经同自己一样大，亦感叹：「佢嚟到屋企嘅时候7个月大，而家大个咗好多啦。」爱子承诺会永远爱锡白汤，希望爱犬可以永远健健康康开开心心。
