9月4号系黄日华嘅65岁生日，放松心态享受丰盛人生嘅华哥，近年见到佢嘅踪影，最多系参与明星足球队嘅赛事同活动，正如队中嘅成员莫家淦所讲，华哥系好爱锡后辈，深得大家敬重，华哥生日前夕，一众明星足球队嘅成员都约埋食饭，同华哥提前庆祝生日。
相中见洪天明、周家蔚、马海伦、邓兆尊、吴家乐同莫家淦等开心欢聚，斋睇相已感受到现场气氛系几咁热闹同嘈吵，校长谭咏麟目前正准备开红馆骚，仍抽空出席。
众人向华哥纷纷送上祝贺，除咗身体健康同心想事成外，当然就要祝华哥踢好波同跑好步，因为呢两样都系令华哥越嚟越健康同开心嘅来源之一。
