已故赌王何鸿燊之女何超琼近日作客「奶茶妹妹」章泽天主持嘅节目进行长达107分钟对谈，超琼罕见畅谈家庭生活、创业再进入家族企业嘅经历，以及同张国荣、梅艳芳、陈百强等巨星嘅友谊。
超琼33岁创立嘅公关公司发展得如日中天，更凭一个地产推广专案赚得600万年收入，因此令赌王正式开口邀请佢返家族企业。不过超琼并非一口答应，而系反问爸爸会出几多钱粮。即使赌王表示系邀请超琼加入董事局成员，并唔系做一个部门主管，超琼都要问清楚资薪待遇。超琼仲话当时根本唔敢向爸爸讲自己赚咗600万，惊爸爸认为佢高傲自负。
超琼谈及家庭生活，形容妈妈教育严肃，而爸爸就系救星。超琼澄清外界曾传出「父亲唔准佢读钟意嘅学系」传言，超琼当年考上英国文学与戏剧专业后，爸爸只系同佢深入探讨未来方向，最后自己选择走向人生更大舞台。
奶茶喺访谈时拎出超琼同梅姐、哥哥等巨星合照，大赞超琼当年靓到可以选港姐。超琼亦分享当年同自己最爱同一众好友去Disco，大家重视圣诞、元旦等大时大节，往往会相约一齐玩，超琼仲话：「不管你这个元旦聊天，你晚饭跟谁吃，吃完了大家就肯定会在旧文华东方酒店吃早餐。」超琼同梅姐、哥哥等好友之间嘅庆祝元旦传统，就系无论大家同边个一齐都好，最后都要凌晨三点出现。
超琼赞当年歌手性格真实，亦有带领潮流嘅本事，形象冇刻意被包装过，与现今世代「偶像」并唔一样。佢亦失落感叹呢一批朋友已经慢慢离开自己，宜家同自己关系亲近嘅就有杨紫琼。
