赖慰玲主持嘅新节目《健康诚诺书》将于9月5号晚起，一连三个星期六于翡翠台播出，第一集请到两位星级爸爸陈展鹏同袁伟豪作客，分享自己嘅人生故事，Winki话听到两位爸爸分享咗好多深刻画面，尤其佢哋同父母相处嘅故事，令Winki学会更珍惜同父母相处时间。
主持或嘉宾通过节目拍摄亦有所启发，Winki话父母睇住自己长大，其实父母都一齐成长，可能有日就换转系仔女照顾父母，展鹏同阿Ben喺倾谈当中，展现铁汉柔情一面。阿Ben觉得倾谈过程好似回顾自己大半生。
Winki、展鹏同阿Ben同时要兼顾为人父母同子女两种角色，所以佢哋都好关心如何为家人绸缪，不论系小朋友定父母，为心爱嘅人提供最好保障，Winki指有好多健康嘅资讯去造就家人有健康生活，唔好等到有事发生时先去做。
