王镇泉（Jeoffrey）每星期为你提供最热辣电影资讯，中外猛片专访花絮上映时间全部集齐。泉叔今个礼拜就带大家飞去日本东京新宿街头，直击电影街霸嘅宣传。对于近几代嘅人一定会好熟悉街霸呢只游戏，无论系打街机，或者系喺屋企瞒住阿妈偷偷地打都好，听到升龙拳，或者波动拳，都一定会好多热血回忆涌现。
最新预告片全球首播仪式喺东京新宿街头举行，除咗吸引好多街霸爱好者，同埋专业Cosplayer之外，仲有街霸嘅五位主演包括阿龙、阿Ken、春丽、本田同埋青狼一齐出席。
对于今次主演街霸嘅一众演员嚟讲，为咗完美呈现每个经典街霸角色神髓，佢哋真系要接受一连串地狱式训练。无论系啲格斗招式、还原角色性格，所有嘢都要做到丝毫不差，听闻喺电影里面，有大量街霸彩蛋等待大家发掘。
本周电影新片速递
《命悬3000呎》延续《命悬2000呎》剧情，讲述积丝因姐姐喺2000呎高空电视塔嘅丧命意外后伤心不已，为咗克服心魔，决心同姐姐生前好友露丝勇闯泰国，挑战悬空3000呎的极限高空栈道，向姐姐无惧的冒险精神致敬。点知一场突如其来嘅山崩，二人被硬生生困于万丈绝壁之上，半步差池定必粉身碎骨！
《抓特务》讲新中国成立之初，派出所所长肖大力凭直觉锁定潜伏嘅特务「5182」冯静波。为追查真相，肖大力索性搬去同佢做邻居。两人交集牵动住两个家庭、两代人嘅命运，岁月起落间满满波折同变故。呢对一辈子嘅冤家，早已唔再系单纯宿敌。
香港票房龙虎榜截至9月2号中午，第1位《蜘蛛侠：英雄重生》、第2位《功夫女足》、第3位《剧场版CHIIKAWA人鱼岛的秘密》
