今个月3号就系 甘国亮 嘅75岁生日，薛家燕 与 汪明荃 日前就与几位好友齐齐为佢庆祝生日。相中戴上红色渔夫帽、身穿西装外套嘅甘生精神奕奕、红光满面，不过当大家同佢唱生日歌合照时，甘生就翘起双手，摆出cool cool嘅表情，相当百厌。
阿姐喺社交平台PO出众人为甘生庆祝生日嘅照片，佢喺帖文中写道：「喜见甘生（甘国亮）身体康复，精精神神，开心同朋友一齐庆祝75岁生日。」而另一位于席生日宴会嘅宾客，亦分享以前与甘生工作嘅经历，指当年甘生仗义为佢嘅新书发布分享会担任嘉宾主持，该宾客又指喺生日宴会上，同阿姐与家燕姐倾偈，先知佢哋同甘生嘅深厚交情同渊源。
早前有传甘生身体状况出现问题，令唔少影迷与圈中人担忧，而今次生日宴会嘅合照，证明甘生健康已恢复，唔少网民亦纷纷留言送上生日祝福，并表示看到甘生精神奕奕，终于放心晒呀。
